ANALİTİK İCMAL
Oyun analizi
Bu gün UEFA Çempionlar Liqası çərçivəsində baş tutacaq Brügge - Lans qarşılaşması turnirin bu mərhələsinin ən dinamik və bol qollu oyunlarından biri olmağa namizəddir. Gözləntim həm komandaların cari forması, həm də taktiki fəlsəfələri ilə tamamilə üst-üstə düşür. Hər iki komandanın turnirdəki ilk iki matçı göstərir ki, onlar müdafiədə oturmağı yox, hücum futbolunu üstün tuturlar. Bu mənzərəni təsdiqləyən əsas statistik göstəricilər olduqca cəlbedicidir, lakin onlara vaxt itirməyəcəm, çünki hər birinə baxa bilərsiz, hətta, əminəm ki, baxmısız. 1. İvan Lekonun "açıq futbol" fəlsəfəsi İvan Lekonun rəhbərliyi altında "Brügge" inanılmaz dərəcədə riskli və sürətli keçidlərə əsaslanan futbol oynayır. Onların "San Siro"da "Inter"i 3:4 hesabı ilə məğlub etməsi bu hücum potensialının sübutudur. Lakin bu aqressiv ön xətt pressinqi müdafiə xəttinin arxasında böyük boşluqlar yaradır. Turnirdə hamıdan çox öz qapısına zərbə icazəsi verən bir komandanın evdə qol buraxma ehtimalı olduqca yüksəkdir. 2. Yannik Kahuzak və "Lans"ın reaksiyası "Lans" ÇL-in ilk turunda "Slavia"ya Praqada 2:3 qalib gələrək xarakter göstərdi. Lakin ardınca baş məşqçi Dino Topmöller ilə yollar ayrıldı. Onu Yannik Kahuzak əvəzlədi. İkinci turda "Sportinq"ə evdə 0:2 uduzsalar da, hücum xəttində yaradıcılıq problemi yaşamırlar. Florian Tovenin pleymeyker keyfiyyətləri "Brugge"nin müdafiəsini cəzalandırmaq üçün yaxşı silahdır. Həftəsonu daxili liqada "Trua" üzərində qazanılan 3:1 hesablı qələbə fransızların bərpa olunduğunu və Belçikaya qələbə üçün gələcəyini göstərir. 3. Qarşılıqlı qollar və sürət faktoru Hər iki komanda qol vurduqdan sonra hesabı qorumağa meylli deyil. "Brügge" son ev oyunlarında ilk hissədə mütləq qol vurmağı bacarır. Erkən vurulacaq bir qol qarşı tərəfi açıq futbol oynamağa məcbur edəcək. Hər iki komandanın ön tərəfinin performansı bu matçda qol şousunun qaçılmaz olacağına işarə edir. 🎯 Proqnoz və ssenari Meydan sahibləri favorit görünsə də, onların aşırı hücum futbolu oynaması qonaqların da şanslarını artırır. Düşünürəm ki, biz bu oyunda azı 3 qol görəcəyik.
İlkin Əhməd